Rawitdawit

AN DAI kaya ni Isong, kayang-kaya ni “Unding”; an pagpahali kan “tianggi” sa Plaza Rizal.

Tulo sanang horas na huyop kan duros kan bagyong si “Unding” lupad an mga kina-uuyaman na tindahan sa Plaza Rizal.

Salingoyon ta daw an mga inot na iwal kan City Hall asin Capitol manunungod sa Plaza ni Jose Rizal:

Adios patria adorada
Simplicada contra vida
Perla del mar de insurance
Nuestro perdido tambien.

A darte voy Alegre
Capital del barangay sa San Vicente
Naogrot, napobre
Pagkaloko sa babae.


Halla en el cementerio del Norte
Naga-alimpasay sa lulubngan si Pepe
Sagkod sa duwang talinga an ngisi
Huli kan nangyayari sa Naga City.

En campos de batalla
Yaon si Adan sagkod si Villa
Nagpipingkian nin espada
Pigi-iwalan plaza ni Rizal sa Naga.

Dingkilan ni Adan asin Villa
bakong makangangalas
Porque sa plaza igwang nage-erok na halas
Siring kan nagtentar ki Adan asin Eva
Kan mabininong mansanas.

Hasta ngonian si Jessie dai pa nakikiaram
Sa pingkian ni gobernador asin kan consejal
Porque an laban
Kayang-kaya daa ni Adan.

Al contrario sabi kan tawo sa capitolio
An consejal abogadong dai nin asunto
An marhay daa saiya magretiro
Magtinda na sana nin puto.

Plaza Rizal na pinagayon ni Bulaong
Mas pinaorog ni Gobernador an gayon
Porque laen sa year-round na christmas tree
Igwa pa nin libreng pasine-sine.

Magayon na, malinig pa
An plaza na tambayan kan mga bangkag sa dama
Dai na pati nagdadarapo an mga salampati
Sa dating estaran kan dai nang si Casili.

Testigo ni Adan an mga paratienda nin mani
Na an Plaza Rizal sadiri kan Naga City
Sa rason na ipinabakal ni Governor Triviño
Sa cantidad sanang un peso.

Testigo man ni Villa an mga antigong
paratienda nin balut
Na an plaza sa atubangan kan dating
capitolio itinugdok
Tanganing hiplian kan mga empleyadong
mga paralook.

Sa nangyayaring dadaan ninda Adan asin Villa
Terible an itinataong coverage kan broadcast
media
Aro-aldaw may nagpa-platica
Igwa pang may nagpa-platica
igwa pang bangot na intriga.

Sa issue na kun si-isay talaga an kagsadiri kan plaza
Kun an provincia o an Ciudad nin Naga
Si Jose Rizal na tabi an haputon, nganing matapos na an discusyon.